[شعبان الصياد]

السلام عليكم ورحمة الله وبركاته
إلى أحبائي وأساتذتي بهذا المنتدى العظيم
الموضوع هو إن أنا عندي رسيفر ستارنت كاريوكي الأسود القديم
وطبعاً الرسيفر معالج صن بلص فانيلا وللأسف ليس داكي فلما لقيت على هذا الصرح العظيم برنامج بيقدر يحول ملفات القنوات من الفانيلا إلى الداكي والعكس فإنبسطت بصراحة وقولت تمام وهذا هو البرنامج https://www.amalqtsat.com/vb/showthread.php?t=47950 .. أنا عندي ملف قنوات نايل سات ع الرسيفر الكاريوكي عامله على إيدي ومصفيه لآخر قطرة أقصد لآخر قناة ملف جميل جداً وعندي في البيت أخواتي معجبين بالملف ده وعايزينه عندهم على أجهزتهم ولكن للأسف التلات أجهزة بتوع أخواتي صن بلص داكي الملف بتاعي مش هينفع يقبل عندهم فقولت أحول الملف ع البرنامج ده وكانت هنا الصدمة سحبت ملف القنوات من الرسيفر عندي على فلاشة وركبت الفلاشة في الكمبيوتر وفتحت برنامج تحويل الملفات البرنامج مقبلش الملف إزاي مش عارف !!!! أنا حسيت إنه فيه حاجة غلط هي تقريباً إن ملف القنوات بصيغة SERVICE وأنا بصراحة أول مرة أشوف صيغة ملف قنوات بالشكل ده يمكن علشان كده الملف متقبلش .. أفيدوني بالله عليكم وقولولي إيه المشكلة أو فين المشكلة ولكم جزيل الشكر والإمتنان